Maður að mínu skapi

Wilkins er maður að mínu skapi. Fyrir þessu hef ég lengi talað varðandi íslensk lið t.d. Það er hallærisleg ráðstöfun að reka alltaf þjálfarann. Eftir sitja menn með sama ódugandi tapliðið. Og oft hefur ráðstöfunin litlu breytt. Mér finnst full ástæða til að prófa nýjar leiðir - þ.e.a.s. reka liðið en ekki þjálfarann.Það er tilraunarinnar virði. Bara spurning um kjark. Aldrei hefði þýtt fyrir mig að reka þjálfara minn í gamla daga ef ekkert gekk. Þeir kepptu ekki, heldur ég.

Wilkins: Skiptið um leikmenn en ekki stjóra

Athugasemdir

[Kolbrún Stefánsdóttir, 5.7.2011 kl. 22:21]

Sæll Gústi. Ég er svo sammála þér. Ég hef oft hugsað um það hvað menn haldi að þeir geti endalaust notað þetta sálfræði trikk sem það er að reka þjálfara sem hafa sýnt sig að vera þokkalega nothæfir..Maður ætti kannski að fá sér þjálfara í golfið. Ég myndi auðvitað kenna honum um þegar illa gengi en varla reka kvikindið :) kveðja Kolla  

[Ágúst Ásgeirsson, 8.7.2011 kl. 05:19]

Sæl Kolla, gott að einhver er sammála mér! Ég gerði athugasemd í þessum anda einu sinni á einhverju bloggi og fékk aldeilis að heyra það frá bullunum!!! Fúkyrðaflaumur og yfirlýsingar um að ég væri hefði ekkert vit á boltanum. Þetta trix, að reka þjálfarann, hefur sjaldan skilað tilætluðum árangri. Þess vegna verður að prófa eitthvað nýtt. Til þess að við verðum aftur betri en Færeyingar . . .

[Kolbrún Stefánsdóttir, 8.7.2011 kl. 20:25]

Sæll aftur. Já það vantar nú ekki að maður fær stundum að heyra það. Annars held ég að "bullurnar" verði að hafa eitthvað á takteininum til að vísa til og það er dagljóst að þessi aðferð er ekki að virka. Auðvitað getur komið upp óánægja og samskiptaörðugleikar milli leikmanna og þeirra og þjálfara en þau mál er væntanlega hægt að leysa á ódýrari hátt og sársaukaminni. Hvort við náum Færeyingum aftur það þori ég ekki að veðja á  Kveðja Kolla