franseis

27.4.2009 | 10:06

80% gesta Louvre koma gagngert til að sjá Mónu Lísu

Fjórir af hverjum fimm gestum Louvre-safnsins í París koma þangað fyrst og fremst til að virða fyrir sér málverkið fræga af Mónu Lísu eftir Leonardo da Vinci.

Þetta segir safnstjórinn Henri Loyrette í dag í viðtali við blaðið Le Parisien. „Það er rétt, 80% gestanna koma til að sjá Mónu Lísu,“ segir hann. Og bætir við að ekkert safn heimsins sé með helgimynd sem hafi jafn mikið aðdráttarafl.

Loyrette sagði heimskrísuna segja til sín í aðsókn að safninu. Gestir frá Bandaríkjunum væru til að mynda milli 10 og 20% færri. Í fyrra komu 8,5 milljónir gesta í safnið en Loyrette segir stefna í að þeir verði færri í ár.

Í ár eru 20 ár frá því glerpýramídinn var reistur í forgarði safnsins.

Flokkur: Menning og listir | Breytt s.d. kl. 10:19 | Facebook

Athugasemdir

Ég hef komið í safnið nokkru sinnum og á vonandi eftir að fara þangað oftar sem og í mörg önnur söfn minnar uppáhaldsborgar.

Ef ég legg saman alla þá klukkutíma sem ég hef dvalið í safninu þá gæti það nálgast "viku". Á vonandi eftir að koma þangað oftar. Auðvitað elti ég örvarnar í átt að Mónu Lísu . Ég verð hins vegar að viðurkenna að ekki varð ég eins stórkostlega ánægður með verkið og ég hafði reiknað með. Kannski hefur öryggiskerfið (glerið) haft þau áhrif. Safnið sjálft (byggingarnar) er listaverk og ekki þarf ég að minnast á safngripina.

Eitt sinn átti ég samtal við vinkonu mína hér heima á Íslandi sem sagðist hafa skroppið í "helgarferð" til París (3-4 daga) og sagði mér frá safninu og hve gaman væri að heimsækja það "allt". Ég spurði hana hversu lengi hún hefði dvalið í safninu og hún sagðist hafa stoppað í 3 til 4 klst. Ég sagði ekki neitt, bara glotti Bestu kveðjur til Frakklands.